Алматыдағы бір мектептің мұғалімдер кабинетінде мынадай оқиға болады. Директордың оқу ісі жөніндегі орынбасары 11-сыныптың бір баласын жерден алып жерге салып жатыр екен. Оқушы ҰБТ тапсыру үшін 5-пән ретінде физиканы таңдаған, ал оған орынбасар мырза қарсы көрінеді.
↧
Болашақ мамандығын таңдауға құқы жоқ оқушы
↧
Қош келдің, Наурыз!
Сабақтың тақырыбы: Қош келдің , Наурыз!
Сабақтың мақсаты:
Білімділік: Оқушыларға Наурыз-жыл басы, яғни дін мейрамы емес, ұлт мейрамы екендігін тарихи
↧
↧
Менің елім-Қазақстан
Ашық сабақ жоспары.
I Сабақтың тақырыбы:
Менің елім-Қазақстан
(интеллектуалды, сайыс сабақ)
↧
Педагог, тәрбиешілердің тиімді қолданатын тәрбие әдістері
Маңғыстау облысы,
Өтегенова Әйгерім Жаналықызы
ІІ санатты «Мектепке дейінгі даярлық тобы оқытушысы»
Педагог, тәрбиешілердің тиімді қолданатын тәрбие әдістері
↧
Мінезді жақсартуға өмір бойы үйреніп, күресе бер
Маңғыстау облысы,
Өтегенова Әйгерім Жаналықызы
ІІ санатты «Мектепке дейінгі даярлық тобы оқытушысы»
«Мінезді жақсартуға өмір бойы үйреніп, күресе бер»
↧
↧
Жапонияда әлемдегі ең биік ғимарат салынады
Инженерлер Токиода әлемдегі ең биік ғимарат салмақшы. Оның биіктігі 1700 метр болмақ. Ол қазіргі әлемдегі ең биік ғимарат саналатын Дубайдағы Бурдж-Халифадан (биіктігі 828 метр) екі есе биік.
Sky Mile деп аталатын ғимарат мегаполистің орталығында орналасады. Кешен жасанды аралдармен қоршалады. Ғимарат 50 мың адамға есептелген.
Зәулім үй желге төзімді болады. Кешенде адамдар тұратын орындардан бөлек сауда орталықтары, мейрамханалар, қонақүйлер, спортзалдар, кітапханалар мен емханалар орналасады. Ал лифттер әдеттегіден тыс, яғни горизонталь бағытта жұмыс істейді.
Ғимаратты экологиялық таза электр энергиясымен қамтамасыз ету жоспарланып отыр. Құрылысты Kohn Pedersen Fox Associates пен Leslie E. Robertson Associate компаниялары орындамақ. Жоба 2045 жылға қарай жүзеге асырылады деп күтілуде.
Сәулетшілер ғимараттың жер сілкінісі, тайфун сияқты табиғи апаттарға төзімді болатынын айады.
Дереккөз: tengrinews
massaget.kz
↧
WhatsApp арқылы жүрек тапқан қыз
Әлеуметтік желі, әсіресе WhatsApp-та отыратындар уақытын босқа жұмсайды деген пікір қалыптасқан. Бірақ, жуырда Үндістан жерінде болған оқиға барысында бұл қосымша адамның өмірін құтқаруға көмектесті.
Мумбай қаласында 16 жастағы Суидн Д’Суза атты қыз 2010 жылы сүйек обырына шалдығып, жүрегін мүлде әлсіретіп алған. Дәрігерлер оның жүректі ауыстыруы керектігін айтып, донорды күтуден кезекке қойған. Содан күндердің күнінде Суиднның кардиолог дәрігері Виджай Агарвал донорлыққа берілетін жүректі WhatsApp-тағы ортақ чаттан оқып біліпті. Сөйтсе, маңызды органы ерікті түрде берілетін 20 жастағы әйел талып құлап, кеуде қуысы жаралануы салдарынан көз жұмған екен. Ақыры Виджай көптеп-көмектеп жүріп, Үндістанның екінші шетіндегі Индаурдан жүректі алдыртады. Сөйтіп, Суиднге медиктер жасаған жүректі транспланттау операциясы сәтті аяқталып, ақ халаттылар оған екінші өмір сыйлады. «Жалпы Үндістанда үкімет донорлықты қолдамақ тұрсын, халықты күнделікті медициналық көмекпен қамти алмайтынын ескерсек, бұл зор жетістік. Ал табылған күннің өзінде кез келген жүректің жасөспірімдерге сәйкес келе бермейтінін алсақ, онда Суиднның әбден жолы болған», - дейді Виджай Агарвал.
Дереккөз: 24.kz
massaget.kz
↧
Бастауыш сынып балаларын үй тапсырмасына қызықтыру
Алдыңғы материалымызда үй тапсырмасы қызықты етіп тексерілсе, баланың да құлшынысы арта түсетінін жаздық. Ал бір сарынды тексеруден кез келген адам жалығады. Әсіресе балалар қайталана беретін құбылыстан тым тез жалығады. Сондықтан әр сабақты әртүрлі өткізуге талпынған абзал.
Жауаптың суретін салу
Мұғалім тақырыпқа қатысты сұрақтарды алдын ала дайындап қояды. Балалар түсінгенін ауызша айтпайды, қағазға суретін салады. Суреттің әдемі болуы емес, бала тапсырманы қалай түсінгені маңызды.
Шапалақтау не аяқ соғу
Мұғалім өз сұрағына екі жауап дайындайды. Жауап дұрыс болса балалар қол шапалақтайды, дұрыс емес болса, аяқтарын тарсылдатады. Бұл балалардың жылдам ойлау қабілетін арттыруға таптырмас тәсіл әрі сергітіп алуға да пайдалы.
Сұрақ қою
Балалар үйден тақырыпқа қатысты сұрақ дайындап келеді. Әр баланың сұрағына көршісі жауап береді. Балалар бір бірінің сұрағын қайталамау үшін топ басшы алдын ала әр қайсысының сұрақтарын жазып алады да, жауаптың дұрыс-бұрыстығын тексереді.
Жеті гүл
Оқытушы әрбір топқа арнап жеті түсті гүл жасап әкеледі (үш топ болса, 21 гүл). Топқа бөлінген балалар бір-біріне сұрақ қояды. Дұрыс жауап берген топқа бір гүл беріледі. Балалар жеті гүлді толық жинағанша, яғни жеті сұраққа толық жауап бергенше сұрақ қойыла береді.
Доп лақтыру
Балалар дөңгеленіп тұрады. Мұғалім сұрақ қояды да, қолындағы допты кез келген балаға лақтырады, бала допты қағып алып, сұраққа жауап береді.
Әр ойын сабақ аяқталғанда оқушыларға арнап мақтау қағазы не диплом беріп отырған дұрыс.
massaget.kz
↧
Мамандық өзгертетін көзілдірік (Видео)
Көзілдірікті тек белгілі мақсатта ғана пайдаланатын адамдар оның сыртқы келбетін өзгертіп жіберетінін біле бермейді. Себебі бүгінгі таңдағы көзілдірік пішіндері де әртүрлі мамандық иесі екенін меңзеп тұрады. Мысалы сіз қарапайым адам болып киініп, бірақ стилді көзілдірік тақсаңыз, онда жұрт модель не камера алдында жүрген адам деп ойлауы мүмкін. Бірақ сіз шынайы өміріңізде мүлде басқа іспен шұғылданасыз. Дәл осындай тәжірибиені жасап көрген видеороликке көз жүгіртіп көріңіз. Бәлкім келесі жолы көзілдірік алатын кезде сырт көзге қандай маман иесі болып көрінуге септігі тиер.
massaget.kz
↧
↧
Қазақша IQ тест (Жауабы)
Адам санасының даму дәрежесін, логикалық ойлау жүйесін анықтайтын әлемге әйгілі тесттердің бірі — IQ тесті. Зияткерлік деңгейіңізді тексеруге арналған сұрақтар ұсынған едік, өз нұсқаңыз жауаптарына қаншалықты сәйкес келгенін анықтаңыз.
1. Келесісі қандай әріп: г, ғ, ф, х, м, н, п, ...
Жауабы: р
2. Жақша ішіндегі сөзді табыңыз:
шөп (жасыл) киви
су (...) мұз
Жауабы: мөлдір
3. Бос орынға қажетті санды қойыңыз: 2 5 8 11 _
Жауабы: 14
4. Көлік автомобиліне жатпайтын тіркесті көрсетіңіз:
рофд;
тбнеил;
таиф;
ожеп;
гбион;
Жауабы: гбион
5. Жақша ішіндегі сөз бір сөздің аяғы, екінші сөздің басы болуы тиіс:
ай (...) ал
Жауабы: мақ. Аймақ, мақал
6. Бос орында тұруы тиіс фигураның нөмірін көрсетіңіз?
Жауабы: 4
7. Қай фигура артық? 
Жауабы: 3
8. Артық сөзді табыңыз:
үй;
иглу;
кеңсе;
бунгало;
лашық;
Жауабы: кеңсе
9. Екі қатар соңындағы жеткіліксіз санды көрсетіңіз:
16 15 17 14 _
32 33 31 34 _
Жауабы: 18 және 30
10. Төмендегі қосымшаның барлығына түбір бола алатын сөзді табыңыз:
-тық, -шы, -ты, -пақ, -ым, -қыш, -та
Жауабы: бас
11. Жақша ішіндегі сөзді табыңыз
Ж + (азықтық дәнді-дақыл) = (адам өмірінің бір кезеңі)
Жауабы: жастық
12. Қай тіркес атақты ақын атына сәйкес келмейді?
құағмаил;
әкрмішә;
ймабтанұ;
мшәіш
фұразма;
Жауабы: мшәіш
13. Берілген қала атаулары ішінде қайсысы артық?
Атырау;
Алматы;
Өскемен;
Маңғыстау;
Тараз;
Жауабы: Маңғыстау
14. Келесі қандай сандар тұруы қажет: 7 10 9 12 11 _ _
Жауабы: 8 және 13
15. Жақша ішіндегі сөзді толықтырыңыз
АП (БАЛАПАН) ЛА
АШ (Қ..Р..Қ) ЫУ
Жауабы: ҚУЫРШАҚ
16. Қай сан қалып қойған?
8 10 14 18 _ 34 50 66
Жауабы: 26
17. Әріптер белгілі бір кезекпен орналасқан. Рет бойынша, келесі қандай әріп?
А Ж А И А К А Н А ?
Жауабы: Р
18. Жақша ішіндегі сөзді табыңыз
ХАТШЫ (ТАБА) ҚАБАТ
АЙЛАЛЫ (...) САМҒА
Жауабы: АЛМА
19. Артық сөзді көрсетіңіз:
майшабақ;
кит;
акула;
барракуда;
нәлім (треска);
Жауабы: кит
20. Бос орында қай сан тұруы керек?
7 9 5 11
4 15 12 7
13 8 11 _
Жауабы: 10
massaget.kz
↧
Головкин мектеп оқушыларына тосын сый жасады
WBA (Super), IBO, IBF және WBC (Interim) тұжырымдары бойынша әлем чемпионы Генадий Головкин Әлихан Бөкейханұлы атындағы №76 мектепбінде қонақ болды, − деп хабарлайды Vesti.kz.
Головкин өзінің мектепке баратынын БАҚ өкілдеріне хабарламаған. Facebook қолданушысы Ботабек Тілегенов Геннадийдің мектепке келгенін мұғалімдерінің бірінен естіпті. Мұғалім оған келіп, суретке түсіруін сұрапты. "Мен мектепке жетіп келдім. Ол жақта басқа БАҚ өкілдері болмады", − деп жазды Тілегенов.
Боксшы мектепке құр қол келмеді. Ол бокс секциясының балаларына боксқа арналған қолғап пен басқа да амуниция сыйлады. Ол жастардың жетістікке жетуі үшін чемпион алдымен бапкерді тыңдап, өздеріне сенуі керектігін айтты.
Басылымның мәліметінше, №76 орта мектеп Қарағандының Майқұдық ауданында орналасқан. Бұл жерде Головкин туып-өскен. Өзі болса №65 мектепте оқыған.
massaget.kz
↧
Павлодарда 8-сынып оқушысы кубик-рубикті сегіз секундта жинайды (видео)
Павлодарда Назарбаев Зияткерлік мектебінің 8 «D» сынып оқушысы Абылайхан Мустафин 8,35 секунд ішінде 2х2 номинациясы бойынша кубик-рубикті жинап, екінші жыл қатарынан өз рекордын жаңартты, деп хабарлайды pavlodarnews.kz тілшісі.
Бұл туралы агенттікке білім беру мекемесінің баспасөз хатшысы Рымгүл Божақанова хабарлады. - Физика, математика және информатика апталығы аясында ұйымдастырылған «Кубик-Рубик» сайысына қатысуға сегіз оқушы өтініш білдірген. Жеңімпаз атанған Абылайхан алғашқыда кубик-рубикті 5-6 минутта жинайтын. Өткен жылы 11,2 секундта жинап шыққан ол бұл көрсеткішті алдағы уақытта үш секундке дейін жеткізуге мақсат қойып отыр. Сондай-ақ 10 «C» сыныбының оқушысы Сұлтан Шупеев көзін жапқан күйінде 2х2 номинациясында небары 30,88 секундта кубик-рубикті құрастырып шығып, жеңімпаз атанды. Мұндай ойын арқылы баланың ойлау қабілетін дамытуға болады, - дейді Р. Божақанова.
Биылғы жылы оқушылар кубик-рубиктің күрделі комбинацияларынан да сынға түскен. Бұл 5х5 номинациясында 8 «D» сынып оқушысы Әлішер Ашекеев 6,43 минутта жеңіске жетсе, пирамиданы жылдам құраған қатысушылардың арасындағы жалғыз қыз 8 «D» cынып оқушысы Амина Ердес тапсырманы 13,44 секунд ішінде орындап шыққан.
Айта кетейікі, былтыр АҚШ-та жасөспірім Лукас Эттер 3x3 номинациясы бойынша 4,9 секунд ішінде кубик-рубикті жинап, әлемдік рекорд орнатқан. Оның бұл жетістігін бүкіл әлемдік (World Cube Association) қауымдастығы тіркеген.
Дереккөз: pavlodarnews.kz
massaget.kz
↧
Оқушылар жақсы көретін мұғалім бейнeсі
Мектеп кезінде кей пәндерді мұғалімі үшін ғана оқығанымыз жасырын емес. Ал кей мұғалімдерді сабақ беретін пәні үшін ғана жақсы көріп, сыртынан "информатика апай, "физика апай" деп атаған кезіміз де болды. Мұғалімдердің "любимчигі" болатыны секілді, олар да оқушылардың сүйікті ұстазына айналуы — маңызды құбылыс.
Бала сабақты жақсы оқып, ұлы тұлғаға айналуы үшін шәкірт пен ұстаз арасында мызғымас махаббат орнауы тиіс. Балалардың жүрегін қалай жаулаймыз? Оқушылардың сүйікті ұстазына айналу үшін не қажет?
Барлық баланы бірдей жақсы көріңіз. Өзін жақсы көретін адамды жек көру кез келген кісінің қолынан келмейді. Әр баланың артықшылығы, ашылмаған дарыны болады, соны көре біліңіз. Кемшілігі болса, тереңіне үңіліңіз:
не үшін тентек болғанын;
жалқау болуына не себепкер екенін;
үй тапсырмасын орындамауына не кедергі болғанын анықтап көріңіз.
Кез келген жағдайға түсіністік танытатын мұғалімді сыйламау мүмкін емес. Қателік жіберген оқушыға жаза қолдану орнына, келесіде қайталамайтынына зор сенім білдіріңіз. Ол сеніміңізді ақтау үшін барын салатын жағдай жасаңыз.
Қызықтыра біліңіз. Әр сабақ сайын болмаса да, ерекше тапсырмаларды жиі-жиі беріп тұрыңыз. Күнделікті бірқалыпты сабақ өту мен үй тапсырмасынан бала тез жалығады. Сабақ үстінде ойындар ұйымдастырып, әдеттегіден тыс тапсырма табыңыз. Әр тақырып болашаққа қандай пайдасы барын тауып, бала зердесіне жеткізе біліңіз.
Оқытушының міндеті балаларға жекіп ұрсу емес, білім беру. Білім беру үшін, тәртіп орнату қажет. Егерпедагогикалық-психологиялық сауатыңыз жоқ болса, оқытатын пәніңіздің жілігін шағып, майын ішкеніңіз қажет емес. Әр баламен өз қатарласыңыздай сөйлесіп, жеке сырласып, тілін таба біліңіз.
Көпшілік көзінше еш оқушының кемшілігін айта көрмеңіз. Арада кикілжің туындаса, ешкімге шағымданбай, өзіңіз жылдам шешімін табуға тырысыңыз. Баланың ата-анасын шақырып, сынып жетекшісіне, мектеп директоріне арыз айту — ең осал мұғалімнің ісі.
Сабақ үстінде сіз ойламаған сұрақ қойып, тығырыққа тіресе, "Осы сұрақтың жауабын өзің ойланып көрші. Егер ертеңге дейін таба алмасаң жауабын мен айтамын, жақсылап ойлансаң табасың" деңіз. Келесі күнге дейін ойлануға өзіңіз уақыт табасыз әрі бала миын іске қосып, ойлануына мүмкіндік бересіз.
Барынша ұстамды, сабырлы болыңыз. Оқушы жаңа тақырыпты не тапсырманы бірден түсінбесе, жүйке жұқартып, бекер таусылмаңыз. Өзіңізді шыдамдылыққа шақырып, басқа әдіспен түсіндіріп көріңіз, өмірден мысал келтіріңіз. Түк түсінбей жатса, сабақ соңында жеке түсіндіремін деңіз, бірнеше рет түсіндіруден жалықпаңыз. Қазірден бастап байсалды болмасаңыз, темірдей төзімділікке үйренбесеңіз, ұстаздық жолыңыз алысқа бармайды.
massaget.kz
↧
↧
«Ң» әрпінен басталатын жалғыз сөз
Бүгінде «ң» әрпінен басталатын сөзді білмек түгілі, оны айтуды да ұмытып бара жатқандаймыз. Кейде теледидардағы тілшілер де «ң»-ді айта алмай жатады. Ал жасөспірімдер арасында төл дыбысымызды айта алмайтындардың саны көп.
Көпшілік «ң» дыбысын «н» дыбысымен шатастырып жатады. Әсіресе, үйде, балалабақшада әуелі орысша тіл сындырып, сосын қазақ сыныбына барғандар қазақ тіліне тән дыбыстарды (ә, ғ, қ, ң, ө ,ү, ұ, һ, і) дұрыс айта алмай қиналады. Әуелі орыс тілінде сөйлеп үйренген бала, орыс тілінде мұндай дыбыс болмағандықтан, «ң»-ды «н»-мен шатыстырады. Ал мұны шатастырудың салдарынан сөздің мағынасы бұзылады.
«Ң» дыбысын түрлі жаттығулар мен әдіс-тәсілдердің негізінде айтуға болады. Мысалы, «ң» мен «н»-ды дыбыстағанда тілдің қалпын балаға ұғындыруымыз керек. «Ң» дегенде тіл ұшы жоғары қарайды, үн мұрыннан шығады. «Н» дегенде тілдің ұшы жоғарғы тістің артына тоқталады. Балаңыз әріптерді шатастырып жатса, логопед мамандардың қызметіне жүгінуге де болады.
Қазақ тілінде «ң» әрпінен басталатын сөз жоқ деп айтылып келеді. Десе де қазақ әдебиетінің классигі, сатира жанрының атасы саналатын Оспанхан Әубәкіровтің «Ң» әрпіне арнаған «Ңөң» атты өлеңі барын білесіздер. Ол осы өлеңі арқылы «айсбергті» қазақша «Ңөң» деп атауды нақты деректермен дәлелдеп берді. Сөйтіп, қазақ тілінің сөздік қорын байытты. Бірақ, әдеби нормаға айнала алмай келеді. Сондай-ақ, Оспанхан Әубәкіров пен режиссер Асқар Наймантаевтың «Ңөң» атты комедиялық қойылымы да бар.
Белгілі жазушы, драматург Шерхан Мұртаза «Бір кем дүние» атты туындысында осы Оспанханның «Ңөңі» туралы айта кетеді. «Жарықтық Осекем әулие екен-ау деп ойлаймын. Қазіргі мына заманда «ң» -ға тілі келмейтіндер көбейді. Теледидарды тыңдап, қарап отырсаң «жанағы, жанағы» деп сөз арасына «арам» сөз қосып сөйлейтіндер жиіледі. «Женістен женіске жете берейік» дейтіндер де бар. Бұл да бір кем дүние», – деп жазған екен. Осы орайда Оспанхан Әубәкіровтің «Ңөң» өлеңін назарларыңызға ұсынғанды жөн санап отырмыз. Бұл сөз туралы өлеңнің өзінен де көп мағлұмат алып, тіліңізді жаттықтыра түседі деген ойдамыз.
Ңөң
Бір басымда санасаң,
Өнер,
Білім
Тегіс бар.
Болмайтұғын Бас әріп
Қай жерімде кеміс бар?!
– Бола алмайсың Бас әріп,
Түспе текке азапқа.
«Ң» әрпінен басталар
Бір сөз жоқ қой қазақта.
Деді осында біреулер,
Дәлел айтып бұлжытпас.
(Дәлелді сөз – әлді сөз,
Әлді сөзге кір жұқпас).
– Солай, – десті қалғаны,
Оңай көніп, ойланбай.
«Көне сал», – деп, біреулер
Тамақ беріп қойғандай.
– «Ң» әрпінен басталар,
Сөз бар, – деді «Ң».
Көнбеді.
– Білмесеңдер айтайын,
Оның аты – «Ңөң», – деді.
Айсберг дегенді,
Арғы қазақ «ңөң» деген.
Көктемде көшетін
Өзен мұзын «Сең» деген.
Айтқан сөзім айғақты,
Керегі не мазақтың?!
Өмір бойы зерттедім,
Ана тілін қазақтың.
Зілдей ауыр зілдерді,
«Ңөң» дейді екен бұрындар.
Ал «сең» деген сөзінде
«Жеңіл» деген ұғым бар.
Өң,
Дөң,
Жең,
Мең,
Сең дейді.
Тең,
Таң,
Тоң,
Көң,
Кең дейді.
Ал енді Айсбергті
Бас алсаң да, «нөң», – дейді!
Ойда жоқта осылай,
«Ң» ашты бір жаңалық.
41 әріп бас шайқап,
Тұрып қалды қамалып.
«Ңөң» деген сөз қазақта
Жоқ десең де еркіңде.
Қарыз сұрап тұрғам жоқ,
Бар десең де еркіңде.
«Ңөң» деген сөз қазақта
Жоқ десең де еркіңде.
Бар десең де дәл содан
Бұзылмайды көркің де!
massaget.kz
↧
Патриоттар акциясы басталды! Менде бармын ішінде!
Патриоттар акциясы басталды! Менде бармын ішінде!
↧
Көктем аруы
Ақтөбе облысы, Мұғалжар ауданы,
Ембі қаласы №3 орта мектебінің тәрбиешісі
Урынбаева Жанар Куандыковна
Сәлеметсіздер ме, құрметті қонақтар! Ақ жаулықты әжелер, асыл да аяулы аналар! Ару апайлар! Сіздерді көктемнің алғашқы мерекесі 8 – наурыз халықаралық әйелдер күнімен шын жүректен құттықтаймыз![/b]
Бүгін біздің бақшада дүбірлі той,
Ден қойып, тыңдаңыздар көңілді қой.
Жырдан шашу шашылсын, күй күмбірлеп,
Қош келдіңіздер, халайық сергісін бой.
Құрметті қонақтар, «Көктем аруы» атты байқауға қош келдіңіздер!
Аруларымызды ортаға шақырмас бұрын, әділқазылар алқасын тағайындайық. Әділқазылар арулардың сұраққа жауабы, тапсырманы орындауы киім үлгілері, өнеріне жеке-жеке баға беріп отырады. Ендеше аруларымызды ортаға шақырайық.
Тәрбиеші:
Қайсысы әнші, кім биші,
Талабына қарайық.
Кімдер зерек, кім жылдам,
Таланттарын табайық.
Өнер сүйер қауым бүгінгі байқауымыз 4 турдан тұрады.
1. «Сәлем-сөздің анасы» (өзін –өзі таныстыру)
2. «Өнерлі өрге жүзер» (өз өнерін көрсету)
3. «Жүйрік болсаң тауып көр» (сұрақ жауап)
4. «Сұлулықтың сыры» (сән үлгісі)
Жүргізуші: Әдеппенен, ізетпенен, танысуға, тайсалмастан сахнаға қыздар шықты. Олай болса, өзін-өзі таныстыру сайысын бастаймыз.
Тәрбиеші:
8 наурыз күнін
Мейрамдайды аналар
Аналардың шаттығын
Құттықтайды балалар.
Мейіржан:
Құтты болсын ардақты анам
Асыл анам мерекең
Құтты болсын теңдік алған
Қуанышты мерекең
Санжар:
Мұрат, мүлде, мақсатым
Жақсы күн мен жақсы түн
Нағыз бақыт ананың
Ақтау дер ем ақ сүтін
Данияр:
Теңдесі жоқ данасың
Арқа сүйер панасың
Еңбегіңді ақтаймын
Аман болшы анашым
Али:
Менің әжем,бұл әже
Айтқан сөзі дәл әжем
Аман болса көреді
Қызығымды әлі әже
Мұхамет:
Баланың да тірегі
Даланың да тірегі
Шаншымасын ешқашан
Аналардың жүрегі
Данил:
Бәріңізде анасың
Біз үшін күн боп жансың
Құтты болсын мейрамың
Құттықтаймын анашым
Әділқазылардың бағасынан кейін байқаудың «Өнерлі өрге жүзер» бөлімі бойынша аруларымыз өз өнерлерін ортаға салады.
Тәрбиеші: Ал сайыскерлер сұраққа қалайсыздар, қазіргі заманғы ару заман талабына сай өте білімді болуы керек. Сондықтан байқауымыздың келесі бөлімі «Жүйрік болсаң тауып көр» деп аталады.
1-ші сайыскерге сұрақ.
Біздің елордамыз қалай аталады? (Астана қаласы)
Бір аптада неше күн бар? (жеті күн бар)
Орыс тілінде әжені қалай атайды? (бабушка)
2-ші сайыскерге сұрақ?
Адамда қанша көз бар? (екі көз бар)
Қыс, жаз, күз, көктемді бір сөзбен қалай айтуға болады? (жыл мезгілдері)
Орыс тілінде нан қалай аталады? (хлеп)
3-ші сайыскерге сұрақ.
Қазақстан республикасының президентін ата? (Н.Ә. Назарбаев)
Аспанда қанша күн бар? (1)
Көктем орыс тілінде қалай аталады? (весна)
4-ші сайыскерге сұрақ.
Біздің отанымыз қалай аталады? (Қазақстан)
Қызанақ, кияр, картоп жеміс пе әлде көкөніс пе? (көкөністер)
Құстар орыс тілінде қалай аталады? (птицы)
5- ші сайыскерге сұрақ.
Кемпірқосақта қанша түс бар? (жеті түс бар)
Кесе, табақ, шәйнек, қазанды бір сөзбен қалай атауға болады? (ыдыстар)
Орыс тілінде атаны қалай атайды? (дедушка)
6- шы сайыскерге сұрақ.
Қазақстан Республикасының рәміздерін аташы? (Ту, Елтаңба, Әнұран)
Бағдаршамда қанша көз бар? (үш)
Қол орыс тілінде қалай аталады? (рука)
Байқауға қатысушы қыздар сұрақтарға жауап береді.
Әділқазылардың бағасы дайын болғанша ортамызға өнерпаз жігіттерімізді шақырамыз.
Бүгін бәрі ерекше,
Бишілерде өнер көп.
Орыс биін билейді
Ортамызға ұлдар кеп.
Көрермендермен ойын: Мереке, ана, балабақша сөздерін қосып тілек айту.
Жүргізуші:
Көйлек киіп әдемі,
Тамсандырам елімді.
Түрлі-түсті сән көйлек,
Көз тартады не керек- демекші, келесі кезекте «Сұлулықтың сыры» тақырыбындағы сән үлгісін тамашалаңыздар.
«Көктем –жаз 2014» арналған киім үлгілерін көрсетеді.
Алдарыңызда балдырған тобының орындауында «Айналайын, ана» әнін тыңдаңыздар!
Келесі сөз кезегі әділ-қазылар алқасына сөз беріледі . Сайысқа қатысқан аруларға:
«Өнерлі қыз», «Мың бұралған биші», «Әдемі қыз», «Ақылды қыз», «Сүйкімді қыз», «Бас жүлдеге иегер ару» атты номинациялары бойынша жүлделер берілді.
Жүргізуші:
Аналар, қалқып бақыт аралында
Лайым мұң қонбасын жанарыңа
Осымен ертеңгілігімізді аяқтайық
Гүл бітсін бәріміздің қадамымызға, - дей отырып, бүгінгі сайысымызды аяқтайық!
Ардақты аналар, апалар, мейрамдарыңыз құтты болсын!
↧
8 – НАУРЫЗ. КӨКТЕМ АРУЫ
Ақтөбе, Мұғалжар ауданы, Ембі қаласы
Ембі қалалық №3 орта мектеп
Тәрбиеші
Урынбаева Жанар Куандыковна
Ақ жаулықты әжелер, асыл да аяулы аналар!
8 – наурыз халықаралық әйелдер күнімен шын жүректен құттықтаймыз!
Ақ жаулықты әжелер, асыл да аяулы аналар! Ару апайлар! Сіздерді көктемнің алғашқы мерекесі 8 – наурыз халықаралық әйелдер күнімен шын жүректен құттықтаймыз!
Бүгін біздің бақшада дүбірлі той,
Ден қойып, тыңдаңыздар көңілді қой.
Жырдан шашу шашылсын, күй күмбірлеп,
Қош келдіңіздер, халайық сергісін бой.
Құрметті қонақтар, «Көктем аруы» атты байқауға қош келдіңіздер!
Аруларымызды ортаға шақырмас бұрын, әділқазылар алқасын тағайындайық. Әділқазылар арулардың сұраққа жауабы, тапсырманы орындауы киім үлгілері, өнеріне жеке-жеке баға беріп отырады. Ендеше аруларымызды ортаға шақырайық.
Тәрбиеші:
Қайсысы әнші, кім биші,
Талабына қарайық.
Кімдер зерек, кім жылдам,
Таланттарын табайық.
Өнер сүйер қауым бүгінгі байқауымыз 4 турдан тұрады.
1. «Сәлем-сөздің анасы» (өзін –өзі таныстыру)
2. «Өнерлі өрге жүзер» (өз өнерін көрсету)
3. «Жүйрік болсаң тауып көр» (сұрақ жауап)
4. «Сұлулықтың сыры» (сән үлгісі)
Жүргізуші: Әдеппенен, ізетпенен, танысуға, тайсалмастан сахнаға қыздар шықты. Олай болса, өзін-өзі таныстыру сайысын бастаймыз.
Тәрбиеші:
8 наурыз күнін
Мейрамдайды аналар
Аналардың шаттығын
Құттықтайды балалар.
Мейіржан:
Құтты болсын ардақты анам
Асыл анам мерекең
Құтты болсын теңдік алған
Қуанышты мерекең
Санжар:
Мұрат, мүлде, мақсатым
Жақсы күн мен жақсы түн
Нағыз бақыт ананың
Ақтау дер ем ақ сүтін
Данияр:
Теңдесі жоқ данасың
Арқа сүйер панасың
Еңбегіңді ақтаймын
Аман болшы анашым
Али:
Менің әжем,бұл әже
Айтқан сөзі дәл әжем
Аман болса көреді
Қызығымды әлі әже
Мұхамет:
Баланың да тірегі
Даланың да тірегі
Шаншымасын ешқашан
Аналардың жүрегі
Данил:
Бәріңізде анасың
Біз үшін күн боп жансың
Құтты болсын мейрамың
Құттықтаймын анашым
Әділқазылардың бағасынан кейін байқаудың «Өнерлі өрге жүзер» бөлімі бойынша аруларымыз өз өнерлерін ортаға салады.
Тәрбиеші: Ал сайыскерлер сұраққа қалайсыздар, қазіргі заманғы ару заман талабына сай өте білімді болуы керек. Сондықтан байқауымыздың келесі бөлімі «Жүйрік болсаң тауып көр» деп аталады.
1-ші сайыскерге сұрақ.
Біздің елордамыз қалай аталады? (Астана қаласы)
Бір аптада неше күн бар? (жеті күн бар)
Орыс тілінде әжені қалай атайды? (бабушка)
2-ші сайыскерге сұрақ?
Адамда қанша көз бар? (екі көз бар)
Қыс, жаз, күз, көктемді бір сөзбен қалай айтуға болады? (жыл мезгілдері)
Орыс тілінде нан қалай аталады? (хлеп)
3-ші сайыскерге сұрақ.
Қазақстан республикасының президентін ата? (Н.Ә. Назарбаев)
Аспанда қанша күн бар? (1)
Көктем орыс тілінде қалай аталады? (весна)
4-ші сайыскерге сұрақ.
Біздің отанымыз қалай аталады? (Қазақстан)
Қызанақ, кияр, картоп жеміс пе әлде көкөніс пе? (көкөністер)
Құстар орыс тілінде қалай аталады? (птицы)
5- ші сайыскерге сұрақ.
Кемпірқосақта қанша түс бар? (жеті түс бар)
Кесе, табақ, шәйнек, қазанды бір сөзбен қалай атауға болады? (ыдыстар)
Орыс тілінде атаны қалай атайды? (дедушка)
6- шы сайыскерге сұрақ.
Қазақстан Республикасының рәміздерін аташы? (Ту, Елтаңба, Әнұран)
Бағдаршамда қанша көз бар? (үш)
Қол орыс тілінде қалай аталады? (рука)
Байқауға қатысушы қыздар сұрақтарға жауап береді.
Әділқазылардың бағасы дайын болғанша ортамызға өнерпаз жігіттерімізді шақырамыз.
Бүгін бәрі ерекше,
Бишілерде өнер көп.
Орыс биін билейді
Ортамызға ұлдар кеп.
Көрермендермен ойын: Мереке, ана, балабақша сөздерін қосып тілек айту.
Жүргізуші:
Көйлек киіп әдемі,
Тамсандырам елімді.
Түрлі-түсті сән көйлек,
Көз тартады не керек- демекші, келесі кезекте «Сұлулықтың сыры» тақырыбындағы сән үлгісін тамашалаңыздар.
«Көктем –жаз 2014» арналған киім үлгілерін көрсетеді.
Алдарыңызда балдырған тобының орындауында «Айналайын, ана» әнін тыңдаңыздар!
Келесі сөз кезегі әділ-қазылар алқасына сөз беріледі . Сайысқа қатысқан аруларға:
«Өнерлі қыз», «Мың бұралған биші», «Әдемі қыз», «Ақылды қыз», «Сүйкімді қыз», «Бас жүлдеге иегер ару» атты номинациялары бойынша жүлделер берілді.
Жүргізуші:
Аналар, қалқып бақыт аралында
Лайым мұң қонбасын жанарыңа
Осымен ертеңгілігімізді аяқтайық
Гүл бітсін бәріміздің қадамымызға, - дей отырып, бүгінгі сайысымызды аяқтайық!
Ардақты аналар, апалар, мейрамдарыңыз құтты болсын! 
↧
↧
БАЛАБАҚША, 8 НАУРЫЗ: «АНА – АСА ҚЫМБАТТЫ ЖАН»
ШҚО, Жарма ауданы
КМКҚ «Бастау» балабақшасы
«Балауса» тобының тәрбиешісі
Зейнелсадыкова Еркежан Серікжанқызы
Тақырыбы: «Ана – аса қымбатты жан»
Мақсаты: -мерекелік көңіл-күйін құру;
-ән және қозғалыс орындаушылық дағдыларын қалыптастыру;
-балалардың назарын жалпы әрекетте қатысу тілегін қалыптастыруға эмоциялық қабылдауын ынталандыру;
-өзінің жақын адамдарын қуанта білуге, мейірімділікке тәрбиелеу.
Кейіпкерлер: Жүргізуші, «Кәмпит-Ханшайым»
Ертеңгілік өткізуге қажетті құрал-жабдықтар: Безендірілген әсем зал, гүлдер, құмыра, сыйлықтар, әсем әндер жазылған үнтаспа, т.б
Ертеңгіліктің барысы:
Балалар залға қол ұстасып, жұптасып әдемі әуенде вальс ырғағында айналып, билеп өтеді. ( «Тәттім-ау» әуенімен)
Тәрбиеші: - Құрметті аналар, әжелер сіздерді әйел жанымен байланысты тамаша көктем мерекесі – 8 Наурызбен шын жүректен құттықтаймыз! Алғашқы көктем мерекесі Жер бетіне өмір сыйлаушы нәзік, ақылды, сымбатты, мейірімді жандарға арналғаны қандай тамаша мереке! Әлемдегі ең асыл жан ол – Ана десек, жүрегімізде сүйікті жанға деген махаббат сезімі оянады. Ана бұл аяулы да мейірімді жан. Баланың тілі шыққаннан – ақ бірінші сөзін «Ана» деп айтады. Өмірдің есігін ашқаннан соң осы өмірдегі өзіңнің жан анаңды көресің. Осы бір «АНА» деген үш әріптің аясында адамзат баласын қуаныш сыйлар қаншалықты қасиет бар десеңші! Ару - ана, Ару - асыл жар, Ару – көңілдің гүлі, Ару - өмірдің жыры, тіпті айта берсең сөз жетпейді. Олай болса, бүгінгі аналарға, әжелерімізге арналған «Балауса» тобының бүлдіршіндерінің «Ана - аса қымбат жан!» ертеңгілігіне қош келдіңіздер!
Барлық балалар хормен: Құттықтаймыз анашым, 8 - ші Наурызбен!
Тәрбиеші:
Той пердесін ашайық,
Тойға шашу шашайық.
Аналарды құрметтеп,
Ән маржанын шашайық.
Хор: «Ақ мамам»
Тәрбиеші: - «Ананың әрбір сөзі жылылыққа толы. Ананың көз нұры тастай мұзы да жібітеді»- демекші, балаларымыздың аналарына арнаған тақпақтарын қабыл алыңыздар!
Темірхан
Анам болса қасымда
Басқа бақыт не керек.
Анашымның жүрегі,
Мейірімді ғой керемет
Айым
Сенен өскен балалар,
Батырлар мен даналар,
Құттықтаймын мерекеңмен,
Құрметті Аналар!
К. Камила
Наурыздың сегізі,
Сұлулықтың негізі.
Әдемі сөз баланың,
Анаға айтар лебізі.
З. Камила
Аналарды сүйеміз
Ақылын ойға түземіз
Әжені де ардақтап
Әдеппен бас иеміз.
Жанель
Бәрімізге анамыз
Біз үшін күн боп жанасың
Құтты болсын мерекең
Құттықтаймын анашым!
Тәрбиеші:
Аналар ақ тілекті, сөз көп дейін,
Жылытар жүрегіңді көз көп дейін
Аналар ақ жаулықты бұл сіздерге
Қол соғып қарсы алайық «Мамочка биін»
Би: «Мамочка»
Тәрбиеші: -Балалар туған күнде, мерекелерде аналарымыз дастарханға қандай тәтті тағамдар салады.
-Дұрыс айтасыңдар, кәмпитті балалар да, үлкендер де жақсы көреді. Кәмпитсіз дастарханның сәні кірмейді. (әсем әуенмен залға «Кәмпит –Ханшайым» кіреді)
-Кәмпит-Ханшайым: (кіріп билейді)
Мен тәттімін,
Балалардың сүйікті дәмімін,
Мерекенің сәнімін,
Дастарханның әрімін.
-Сәлеметсіңдер ме, балалар, мені таныдыңдар ма? Мен, «Кәмпит-Ханшайыммын»
Балалар сендер өнерлеріңмен, білімдеріңді, үлгілі тәртіптеріңді көрсетіңдер.Ол үшін менің мына ыдыстағы үлкен кәмпиттер бар, онда әртүрлі тапсырмалар берілген. Сол тапсырмаларды ашып орындасақ қайтеді. Тапсырмаларды түгелдей орындасаңдар мереке соңында әкелген сыйлығымды үлестіремін. ( бір балаға ыдыстығы кәмпитті аштырады, тапсырманы барлық бала орындайды)
Тәрбиеші: -Расында да, бізге тәтті «Кәмпит-Ханшайым» қонаққа келіпті. Қараңдаршы, кәмпиттері көп екен, тәтті десе тәтті екен. Қане өнерімізді көрсетейік, тапсырмаларды орындайық.
1- кәмпиттегі тапсырма:
Ойын: «Қағаз киім» ( аналар ұлдарымен)
Ойын жарыс түрінде өтеді. Ұлдарымыздың аналары ортаға шығып сайысқа түседі.
2- Кәмпиттегі тапсырма :
Би: «Балапандар»
Тәрбиеші:- Бүгінгі мереке күні әжелерімізді де мерекелерімен құттықтаймыз. «Қариясы бар үйдің қазынасы бар» - деп бекер айтылмаған. Келесі әніміз сіздерге арналады құрметті әжелер.
3- кәмпиттегі тапсырма:
Ән: «Әжетайым» (ұлдардың орындауында)
Тәрбиеші: -«Кәмпит-Ханшайым» , енді сіз біздің балаларымыздың аналарына дайындап келген тақпақтарын тыңдаңызшы.
Айпара
Көктем келді жадырап
Күн нұрымен таласып,
Жайнай берші жарқырап
Жаны жайсаң аналар!
Р. Аружан
Апатайым анашым
Ақылы мол данасың
Қамқоршысы баланың
Гүлі сенсің әр үйдің.
Али
Анам менің анашым
Сені жақсы көремін
Мерекемен бүгінгі
Құттықтаймын мен сізді.
Анель
Құтты болсын анашым
Құтты болсын мерекең
Әр кез саған тілеймін
Ұзақ өмір жолдарын
4- кәмпиттегі тапсырма:
Ойын: «Кәмпит тасу» (аналары мен балалары)
5- кәмпиттегі тапсырма:
Би: «Бал биі»
Әдемі биден кейін балапандарымыздың тақпақтарын тыңдайық:
Ислам
Бізді өсірген анашым
Еңбегіңіз зор екен
Құтты болсын Анашым
Құтты болсын мерекең!
Жантемір
Жанымызды жайнатқан
Өзіңіз ғой аналар
Зор денсаулық, мол бақыт
Тілейміз біз балалар.
Ескендір
Қуанамыз сыйлаймыз
Қуаныштың мың гүлін
Аналарды құттықтап
Жырдан шашу арнаймыз.
Эсма
Жүзімізге қараңыз
Бал күлкілі баламыз
Бізге қымбат күн шуақ
Бізге қымбат аналар!
Елдар
Баланың да тірегі
Дананыңда тілегі
Ауырмасын ешқашан
Анамыздың жүрегі.
С.Аружан
Ана біздің күніміз
Ананың біз гүліміз
Балаларды қуантып
Ұзақ өмір сүріңіз.
Кәмпит-Ханшайым: -Балалар, сендер бүгін менің тапсырмаларымды өте жақсы орындап шықтыңдар. Сендерге көп-көп рахмет айтамын. Өздерің өнерлі, әдемі, тәртіпті екенсіңдер, мен сендерге ризамын. Енді мына қолымдағы ыдысты тәрбиеші апайларыңа беремін. Сендерге әкелген көптеген әртүрлі кәмпиттерім бар. Соны сыйлыққа бергім келіп тұр. Мен енді сендермен қоштасайын, басқа да балабақшада мерекелер болып жатыр соған барайын. (Кәмпит-Ханшайым балалармен қоштасып шығып кетеді)
Тәрбиеші:
Мерекені қарсы алып,
Мәз болғанда барша жұрт,
Гүл ұсынып қыздарға,
Сыйлық бердім мен өзім - дей отырып қыздарға арналған сыйлығымызды табыс етуге рұқсат етіңіздер. (Ұлдар қыздарға сыйлықтарын табыс етеді)
Тәрбиеші:
Бөбегіңнің сыйлығын,
Қабыл алшы анашым
Ұзақ өмір жүз жасап
Ауырмашы анашым!
Бәріміздің де анамыз бар, әжеміз, әпкеміз бар, қарындастарымыз бар. Жылына бір рет келетін осы аналар мейрамында аналарымызға қандай сыйлық жасасақ та жарасымды. Өйткені, бізді өмірге алып келген, бізге әлемнің жарығын сыйлаған - анамыз емес пе? Олай болса, әр баланың өзі дайындаған аналарына сыйлықтары бар екен, соны табыс етсін!
Аналар, қалқып бақыт аралында,
Лайым мұң қонбасын жанарыңа
Осымен кешімізді аяқтайық
Гүл бітсін бәріңіздің қадамыңа – дей отырып бүгінгі «Ана – аса қымбат жан!» атты ертеңгілігіміз аяқталды. Ардақты аналар мейрамдарыңыз құтты болсын! Сау саламатта болыңыздар!
Балалар хормен: «Анамызға мың алғыс, баршаңызға мың алғыс!»
Қол ұстасып, әуенмен топқа кіреді.
↧
1 наурыз – Алғыс айту күні
Қазақстан халқы 2016 жылы тұңғыш рет Алғыс айту күнін атап өтті. 2016 жылғы 14 қаңтарда Қазақстан республикасының Президенті Н.Ә.Назарбаев Қазақстан халқы Ассамблеясының құрылған күні 1 наурызды елімізде Алғыс айту күні деп жариялап, № 173 Жарлыққа қол қойған болатын.
Алғыс айту күнін мерекелеудің жаңа дәстүрі «Мәңгілік Ел» бірлігін ортақ тарих және тарихи сана негізінде нығайту мен дамытудың мән-мәтінінде қазақстандық құндылықтарды бейнелейді.
Алғыс айту күні – ұл, ең алдымен елімізде тыныштық пен үндестік, өзара сенімділік пен барлық қазақстандықтарға деген құрметтің орнығуына негіз болған Президенттің бейбітшілік пен келісім саясатының салтанаты күні. Бұл – тағдыр тәлкегімен Қазақстан жеріне еріксіз қоныс аударған түрлі этностардың миллиондаған өкілдерінің құтты қонысына айналған қасиетті қазақ жері мен қонақжай қазақ халқына терең тағзымның белгісі. Қазақ халқы қиын-қыстау заманда олардың басына түскен ауыртпалықты қайыспай бірге көтере білді, бұл бүгінгі таңда еліміздегі түрлі ұлт өкілдерінің арасындағы адамгершілік қарым-қатынастың өнегелі өлшеміне айналды.
Алғыс айту күні – күрделі заманда иық тіресе бірге еңсеріп, қысқа мерзім ішінде Елбасының басшылығымен Тәуелсіз Қазақстанды құру жолында аянбай тер төккен еліміздің барлық азаматттарының бір-біріне құрмет білдіретін күн.
Президент Алғыс айту күні туралы: «Қазақстан халқы ассамблеясы құрылған күн – 1 наурызды жыл сайын Барлық этностардың бір біріне және мейірбандық танытып, ол адамдарды өз туғанындай қабылдаған қазақтарға алғыс айту күні ретінде атап өту әділетті болар еді. Ол күн бізді бұрынғыдан да гөрі жақындастыра түспек. Бұл күн мейірімділіктің, бүкіл қазақстандықтардың бір біріне деген достығы мен махаббатының жарқын мерекесі бола алар еді», – деген болатын.
Осы күн тағдыр тоғыстырған Қазақстанның көпэтносты халқының ортақ тарихын құрметтеу күні болады. Алғыс айту күні – қайырымдылық дәстүрлерін, әлеуметтік ынтымақты және өзара көмек көрсетуді қолдау күні. Бұл – репрессия мен жер аудару жылдарында біздің халық көрсеткен мейрімділік пен ақ көңілдік, қолда бармен бөлісу, көмек көрсету сынды рухани дәстүрлер күні.
Алғыс айту күні қазақстандық патриотизмнің, достық пен бірлігіміздің, мәдени саналуандығымыздың жарқын күні, себебі Елбасы 100-ден аса этностың әрқайсысы өзінің қайталанбас өрнегін салуының нәтижесінде біздің Біртұтас Ұлтымыз бірегей артықшылықтар иесіне айналғанын атап өткен еді.
Алғыс айту күні – Қазақстан халқын мәңгілікке біріктіруге бағытталған «Мәңгілік Ел» жалпыұлттық патриоттық идеясының, қазақстандық бірегейліктің негізгі арқауы – еліміздегі барлық ұлт пен ұлысты бір шаңырақ астына топтастыратын Қазақстан халқы Ассамблеясының күні.
Әлем елдерінде
Ал АҚШ және Канада халықтары Алғыс айту (Thanksgiving Day) күнін қараша айының әрбір төртінші бейсенбісінде атап өтетін көрінеді. Атаулы күн алғаш рет 1621 жылы ағылшындық колонистердің бастамасымен тойланған. Қыс мезгілі өте ауыр болып, адамдар аштыққа ұшырағандықтан губернатор Уильям Брэдфорд қол астындағылардың көңіл-күйін көтеру үшін Алғыс айту күнін белгілейді. Айналадағы басқа да көршілер бұл дәстүрді жылы қабылдап, қаһарлы қысты аман-есен өткереді. Рақмет айту күнінің басты нышандарының бірі – түйе тауық. Себебі, ағылшындық колонистер мерекені алғаш тойлағанда орманда атылған төрт түйе тауықты жеген екен.
Кейіннен, яғни, 1789 жылы Джордж Вашингтон Рақмет айту күнін «Ұлттық мереке» деп жариялаған. Бұл күні барлық отбасы міндетті түрде дастарқан басына жиналып, туыстарына жақсылық жасауға асығады, жақындарын қуанту үшін түрлі тосын сыйлар ойлап табады. Қаладағы метроларда ерекше үстелдер орнатылып, адамдар ақша, азық-түліктерін қайырымдылыққа әкеліп қояды. ХVІІ ғасырдан келе жатқан әр түрлі киімдерді киген тұрғындар шеруге шығып, думанды кештер ұйымдастырады.
Әзірлеген Айша КЕРЕЙ
el.kz
↧
Қысқа мерзімді жоспар: Ы.Алтынсарин. Салақтық
Маңғыстау облысы Бейнеу ауданы Боранқұл селосы
Опорный орта мектебінің бастауыш сынып
мұғалімі Танирбергенова Алия Мендибаевна.
|
Пәні: |
Әдебиеттік оқу |
|
Сыныбы: 2 «Ә» |
Күні 10.02.2016 |
|
Сабақтың тақырыбы: |
Ы.Алтынсарин. Салақтық |
|
Сілтеме: |
2-сынып. Әдебиеттік оқу оқулығы «Атамұра» баспасы 2013ж 145-147 беттер |
|
Жалпы мақсаттары: |
1.Ы. Алтынсарин өмірі, шығармашылығы, еңбек жолы туралы білімдерін тереңдете түсу. Ы. Алтынсариннің «Салақтық» әңгімесін жан- жақты талқылау. 2.«Салақтық» әңгімесінің негізгі идеясын, тақырыбын, айтар ойын оқушылардың жүрегіне жеткізу. Оқушыларды өзіндік талдау, жинақтау жасауға, ойлай білуге дағдыландыру, өз ойын толық жеткізе білуге төселдіру. 3.Педагог- жазушының халыққа берген бағыт-бағдарын оқушылар бойына дарыту, үлгі ету.Оқушыларды салауатты өмір салтын сақтауға, жаман әдеттен аулақ болуға тәрбиелеу. |
|
Оқыту нәтижесі: |
Оқушыларды мәтіннің мазмұнымен таныстыра отырып,мәтіндегі негізгі ойды,идеяны ұғынады.Өз ойларын,пікірлерін еркін айтуға,өз көзқарастарын дәлелдей білуге машықтанады,сабаққа деген қызығушылығы артады. Қорытынды жасап үйренуге, топтық жұмыс жасауға дағдыланады. |
↧